RESEAUX CULTURELS SOUBOU GEORGES.

Plantes de la Réunion

Na bonpé mé lé presk invizibl. Nout bann flore lé ankor asé ris, malgré na in takon la disparèt, koméla sanm lo déstriksyon masif la été fé dann lo bann sièk avan, lé asé étonan trouv ankor inndé zèspès lé ankorla. Plis ki sava sanm lo monté an démografi, de plis anplis domoun, é de plis anplis de konstriksyon, batiman lé sir na ankor po kiné. La nou wa la miz anplas park nasyonal dé o, sé la ké no wa linportans gaspiyaz la natir, avan latéfé, si domoun noré é réspèk nout natir, i devré minm pa kozé park nasyonal. Zordi zour bann zotorité la anfin èsèy trouv in solisyon, mé sar pa po lontan, domoun i ogmant de plis anplis, mé ousa wa mèt. Kan nora pi po grapiyé si bann térin agrikol, kosa vafé étonn pa dann bann sièk i vyin, si na pwin in gèr nikléèr po kine tout domoun, bin fodra antour lo park dé o po protézé. La ankor fodré war si sèrtin va pa voulwar mèt dofé po rékipèr lo bann térin. Bon mwin lé pa sinik, mé dann intan é minm koméla zot té wa pa bann vyé kaz té i fé parti lo partimwan rényoné, koman té brilé espré! Pa lontan apré bann zimèb té monté andsi. Bon kwa il an swa fodré byin trouv in solisyon.