Vivre pleinement toute nôtre culture réunionnaise!
Internet sa in nafèr lé gayar, dopi son kréasyon par bann zamérikin, po lo kont larmé. Fo dir a so lépok bann fransé té krwa pa tro an so zafèr la é bann zistwar linformatik. Pétèt la pèr tout sak lé nouvo. Intèrnèt isi Larényon domoune la touzour été arnaké é sa an boté, dayèr tout sak i konsèrn bann nouvèl tèknolozi é dotr soz.
Lo rézo internet rénioné lé ankor gaté, tout lé fé kaziman si lansiyn rézo Frans télékom, ti a ti banna i sanz, lésansiyèl sé ké tout domoun na internèt, minm si lo servis lé pa bon ditou. Po linstan Frans télékom i pé fourni in servis a pépré korèk. Lézot fo fé atansyon (mi di pa i fo fé konfians FT parské zot-si anndan la na in takon bézèr d-paké), kan mi di fo fé atansyon , fo vréman rouv lo ziyé. Kan i propoz azot sèrtin zafèr krwa min la plipar lé pa réalizabl, é zot i giny pa fourni sak zot la promi é sak ou la péyé.
La krwa mwin fo kour dèryèr, po giny inn ti komisyon si la vant in vandèr lé formé po la plipar lo tan ramass mantèr, kan ou la fine sign out kontra la li koné pi aou é ou lé bézé po dépanss téléfone o sèy trouv azot.
Fo biyn dir ké la plipar bann vandèr intèrnèt, i travay si lo rézo FT, (kan sèrtin FAI i giny pa fourni in sèrvis i mèt la fot si FT, si mwin té FT mwin noré pa zinn amwin, dizon inpé i invèsti dann fo piblisité ké dann la bann pasantt li minm) zot i asté po rovann, mé na in mé sé ké FT na lé mwayin, é kan i grinyot si li ....
La plipar bann FAI i vann plito intèrnèt po téléfone (VOIP). Avan tout soz miyévo biyn réflési avan prann in labonman.
Lé dékonséyé dann limédia siprim in labonman FT ou fé rasté out lign po in box, parss an ka de pane de box ou kouran ou na pi téléfone.
Epila ou lé oblizé fé in labonman téléfone sanm FT po awar Intèrnèt kiswa tout lo bann FAI (fournisèr aksé Intèrnèt) lé isi prézan dann Larényon. Bann nouvo arivé si lo marsé i débitt, zot rézo lé pa asé étandi nad-kwin i ariv pa intèrnèt.
Koméla i trouv out mwyin po kok la gèl domoune, an propozan bann télé dirèk si téléfone, alor ké na inpé fournisèr lé pa kapab ofr aou lo 2 G, é po lo 3G koz pa ditou. Si ou abit inn tipé dann léo na plito GPRS et EDDEG. plipar lotan sé dé konèksyon i marss pa dann léo ou dann sertin kartiyé.
Epi vi la konfigirasyon nout péi, lo péizaz lé plito défigiré po in servis pli ou mwin de mové kalité. Tansyon pargar la plipar lo tan lo bann vandèr lé anbosé po vann défwa pa vréman konpétan po ésplik lo fonksyonman lo nafèr. Vann, kan ou la fine signé sé la lo vré bèzman i komanss, é la i fo péyé po awar ransèigman é sa i dir lontan. Krwa pa may sanm la lwa po sèy trouv la solisyon, banna on diré ké zot lé minm konpliss, na si tèlman ti lékritir dann so famé kontra, ké ou lé bézé. Zot i trouv touzour in moyin po pa ranbourss aou, ou minm kass lo kontra.
Indé FAI : Orange, Izi, Mediaserv, Zeop (aparaman zot i konstri zot prop rézo an fibr), Only, SFR...
Ansanm anon bouzé po nout péi.Planète Île de la Réunion.
Réseaux SOUBOU GEORGES Ile de la Réunion tous droits réservés rézo 100% Larényon