RESEAUX CULTURELS SOUBOU GEORGES.

Jujubes.

Plantes de la Réunion le jujube. Zizim, zizib, in fri i roviyn a la mod, alor ké lavé tomn inpé dann loubli. Nou wa ké koméla bann domoun i tourn azot de pli anpli vèr la tadisyon.vSé plito dann lo mwa zilyé ké nou trouv in takon so bann fri. Mi trouv ké koméla na in takon lo piyé, biyn ké bann kaz é térin bétoné la prann la plas de pli anplis, so piyé dobwa la, la biyn rézisté inpé partou i trouv ali, mé lo problinm sé ké lé pa trété é i pik in bonpé. Si ou vémanz ékolozik fo biyn triyé po pa awar tivèr dedan. Lo mwa zilyé lé an plinn sézon la salèr i rantr sé posa i pik in ta. Lo pikaz an kèstyon i dépann inn takopn nafèr, é sirtou la kalité minm lo zizim, nana sak lé biyn sèk, lé ak sé pétét posa bann mous i yinm pa. Lo zizim i trov son litilité dann bann rosèt sétaki, i sèrv po fé laglas, ésèy mayé sanm pons, na osi sak i trèt lo bann piyé po vann. Antouléka i komans vann dann bann sipèr marsé mé lé asé sèr. Si zot la pokor gouté sré tan pars na kaziman tout kalité si lo marsé, i paré lo zizim Sin-Pol lé méyèr. La fo war é fo sirtoi gouté avan banna i komans a kloné é fèr in nafèr rantabl po zot kontabilité. In nafèr lé gayar po nout péi sé ké la tradisyon nou bann viyé i komans a arnir. Ce qui me semble intéressant ces derniers temps à la Réunion c' est cet engouement pour un retour vers la culture et les traditions culinaires traditionnelles.

Na ankor lo pyé dann la kour domoun, mé lé pa komérsyalizé an gran kantité.