LEKSIK BANN MO AN RENIONE.

Nout kozman

Lo K W Z

Pokosa sit la lé an gran mazorité an Rénioné. Nout bann sit lé an mazorité an kréol , é in minimome an fransé ou an dot lang. I èkzist in takon sit lé fé an fransé ou dotr lang i koz si Larényon, lé fé la plipar lo tan par bann zazanss i giny bonpé larzan, é sirtou lé péyé po fé rosort sak lo bann péyèr i vé biyn. A travèr bann zépas mi montr sa lé la dann la réalité, sak nana isi an tout sinplisité. La domann i vé sa dann tout bann rosèrs nou la fé, la plipar domoun andéor é isi ké mwin la rankontré i di amwin sat zot i vé sé war sinpléman é sa san mayaz. Mon manyèr war lé sinpl san mayaz. Mi fé pa sa po viv mé sé mon manyèr viv an rénioné. Lo bann tèks ké mwin la giny lotorizasyon po mèt si lo sit lé fé san modifikasyon lo lékritir i rèss parèy é i sanz pa par rapor sak domoun la donn amwin. Si sit la mwin la désid montr tout sak lé gayar mé osi tout sak lé pa zoli. Okin péi lé parfé sakinn na son bon é son mové koté, mi di sak i vé fé ansort ké Larényon i tourn a zot fason, po awar pliss pouwar zot na pwin zot plass isi. Larényon i pé pa avansé kan na pèryod politik, ousa bann i déplas azot po giny la vwa.

E apréla i trouv pi azot ditou. Dann so péi ou na domoun lé konm bann véyèr kok po kour si lo mwidr manifèstasyon nana dann lo péi po rékipèr bann vwa. Zot rol sé fé war azot dann la télé po prépar lo térin po zot myé roul domoun kari soud-riz. Lo rézo soubou dopi son kréasyon la vi plis inndé milyon domoun la pass si lo bann sit dopi 1993 , lo rézo vidéo si Youtube é dotr platform vidéo mi pé konté sitèlman nana. Mwin la siprime piblisité Google si soubou.net é dotr pars mwin la vouli in bann léspas pli propr é plis gadyamn arla angro. Bonpé domoun i domann a tradwir bann tèks po zot sa mi pé pa fé par mank lo tan é épila na zasosyasyon i giny larzan é na pliss mwyin imin po fé (mé la ankor fo giny zwinn azot pars la plipar iréponn pa swa la pwin internèt swa, napwin lotan mé la sé awar) si ou mèt larzan si la tab lé sir wa fé. Bonpé group i domann amwin si lé posibl rankontr azot, po kozé fé sobatkoz sora po dann in prosin lavnir. antouléka si lo web na sak lé bon na osi sak lé mové, mwin mi si fo biyn swazi.

Planète culturelle Île de la Réunion - Patrimoine culturel Île de la Réunion.