LEKSIK BANN MO AN RENIONE -

LET M - LETTRE M.

Masikrok.

Lo nafèr la tourn an masikrok, li lé parèy in vyé masikrok.

Makiniyon.

Fé lo trin asté bonmarsé po rovann plisèr. Fé lo makiniyon sé asté osi po rovann bann zafèr i vo pi lapinn. Makiniyon si vyé loto, si zanimo. Sé in makiniyon vandèr bèf.

Magouyèr.

Fotrin dann zafèr, magouy. larzan, zafèr lé pa klèr, lé or la lwa. Té sa i yinm magouy larzan, afors afors wa trap ali. I di osi sé in magouyèr é in volèr.

Mapou.

Lé plito ansèrvi po lo non in kann, kann mapou lé dou.

Malbaré.

Tro magouyé astèr lé malbaré,sé in moun lé dann malizé ziko kou. So boug la lé malbaré, son famy fine mèt ali déor, la fine ni klosar.

Malbar.

Malbar Larényon.

Mousous.

Salté, ramas out mousous, out bann ti mousous i trinn partou, asèv ramasé. So mo la sé inn dé pli gro mo, kan i konpar in zafèr po in mousous, sé vréman lé pouri, é i vo vréman pi la pinn. Lé vré si in moun té i trèt aou, oubyinsa out marmay de mousous, ou out famy riskab ou té batay sanm li.

Mounwar.

Sa sé in mo gramoun lontan té i vé pa té i di azot. So mo la té in déréspé po in granmoun, fodrédir ké dann tan lontan té may pa, si ou té réspèk pa riskab ou té kwi. Té mounwar la ou sava giny kokman sanm out papa. La mounwar out pwa lé ofé. Mwin sé pa out mounwar!

Mouné.

Rann in moun plis moun ké li lé, mouné ou démouné.

Mok.

La mok po bwar dolo anndan. Ou lé parèy in léspès mok. Po ronir si lo mok limin, na osi son zistwar, dann tan lontan domoun té ansèrv po bwar dolo anndan, po sof kafé ou sinonsa dolo, konm la vi té pa fasil é té sèr, falé byin trouv in nafèr po bwar dolo anndan.

Mousavèr.

Arèt annwiyé ou lé parèy in mous avèr.

Marmay.

Ti Marmay. la i aprann byin lékol. Mon marmay lé inn ti zanz, gard pa li konmsa sa sé inn ti sora gabyé.

Planète culturelle Île de la Réunion - Patrimoine culturel Île de la Réunion.