LEKSIK BANN MO AN RENIONE -

LET S- LETTRE S.

Souvnans.

Mwin napwin souvnans ké ou la ni war amwin. Fo awar in souvnans po bann domoun la désot lavi. Souvnans napwin po son kamarad tout sak zot la fé ansanm aparaman la oubliyé. Fo avar souvnans po zafèr la pasé dann tan lontan. Si ou ramas pa out souvnans, kisa wa rakonté plitar.

Soumir.

Sa sé in soumir, li napwin la ont, touzour antrinn fé lo kouyon. Tout domoun i koné ké la soumir sé nafèr la pi bon. Konm kozman na domoun i riskab kok aou si ou trèt azot de soumir. Gard sa lé konm in soumir, la li bour minm son né dann zafèr i gard pa li. Sa in soumir li pas pi li sava sanm ninportaki.

Soular.

Sé in bivèr lo rom, in soular, li kim kim in bonpé lakol.

sonyé.

Moun la lé malad, fo li fé sony ali, sinon riskab mor. Sony in moun sé osi ramas ali kan té ti, son granmèr la ramas a li son momon la abandonn ali. Zanfan fé fo sonyé. La ramas ali la sony ali mé napwin rokonésans po tout.

Satan.

Lo diab. Sé osi konpar in moun ansanm lo diab, li lé konm satan. Lo biznès satan i raport in takon larzan sa bann rolizyé la byin konpri.

Salté

Agard la salté dovan out port olyé de war dovan la port out wazin.

Sakripan.

Rogard a mwin so ti sakripan, la trann lans lo ros si loto domoun.

Santyé.

Dann la vi fo byin rogard si napwin santyé, malizé lé dovan ou.

Sorsyé.

Alé rod sorsyé lé pa in solisyon, li kok out larzan, é anplis ou riskab pèrd tout.

Soulang.

Ma soulang ali, li wa giny in soulangaz é i tardra pa.

Soutirèr.

Sé in viyé soutirér, zanfan la trann fé lo kouyon, li soutir minm. Lo soutirèr lé parèy in soumarin, li soutir po vann. La giny inn ti plas konm soumarin.

Planète culturelle Île de la Réunion - Patrimoine culturel Île de la Réunion média libre.